Во периодот од септември 2022 до август 2023 година, нашето училиште „Ѓорѓија Пулевски“ успешно го реализираше својот прв Erasmus+ проект од програмата KA122-SCH – краткорочни мобилности за ученици и наставници во училишното образование.
Проектот беше насочен кон модернизација на наставниот процес и  рофесионален развој на наставниците преку примена на иновативни методи на учење и дигитални алатки. Главна цел беше секој наставник да стекне практични вештини и да интегрира најмалку две современи наставни стратегии во своите часови – како што се обратно/комбинирано учење, проектно-базирано учење, користење на ИКТ и гејмификацијафика.

Клучни активности

• Десет наставници учествуваа на 10-дневна обука во Анталија, Турција, организирана од CEKDEV International Education and Development Academy.
• Обуката опфати работилници, примери од добра практика и активности за развој на дигитални компетенции.
• Реализирана беше дисеминација во нашето училиште, каде учесниците ги споделија стекнатите знаења и искуства со останатите наставници и вработени

Постигнати резултати

• Зголемена примена на дигитални технологии во наставата.
• Подобрена мотивација и ангажираност кај учениците.
• Подготвени наставни планови, е-портфолија и промотивни материјали.
• Зајакната меѓународна соработка и видливост на училиштето.
• Подигната свест кај целиот наставен колектив за примена на иновативни методи.

Влијание
Со овој проект,училиштето направи значаен чекор кон дигитална  рансформација и интернационализација, создавајќи наставен кадар кој е подготвен да одговори на предизвиците на 21 век. Проектот придонесе за зголемување на квалитетот на наставата, развој на критичко и креативно размислување кај учениците и подобрување на имиџот на училиштето како современа и иновативна образовна институција.