ООУ „Ѓорѓија Пулевски” земаше активно учество на меѓународниот eTwinning настан одржан во Ниц, Франција, преку своjата наставничка Добрила И. Дукоска. Настанот окупира над 100 наставници од цела Европа – од Грција, Хрватска, Бугарија, Германија, Шпанија, Унгарија и многу други земји – со заедничка тема: зајакнување на образованието за граѓанство во eTwinning училиштата.

Во текот на двата дена, учесниците разменуваа искуства и дискутираа за начините на кои училиштата можат да поттикнат инклузивност, демократско учество и критичко размислување кај учениците, истовремено градејќи нови контакти за идни заеднички проекти. Нашата претставничка подготви презентација за македонскиот образовен систем и претходните eTwinning проекти на училиштето, придонесувајќи активно во меѓународната размена на добри практики.

По враќањето, стекнатите знаења и искуства беа споделени со целиот наставен колектив преку дисеминација во училиштето, со цел инспирирање на нови пристапи во секојдневната настава.